NEWS access.....

ഗുരുവായൂരിൽ വച്ച് നടന്ന 'ഥാര്‍' (Mahindra Thar) ലേലത്തില്‍ പങ്കെടുത്ത എറണാകുളം സ്വദേശിയായ പ്രവാസി അമല്‍ മുഹമ്മദലിയാണ് പരാതിയുമായി വന്നിരുന്നത്. ലേലത്തിന് ശേഷം വാഹനം വിട്ടുനല്‍കാനാകില്ലെന്നാണ് ഗുരുവായൂര്‍ ദേവസ്വത്തിന്റെ ഇപ്പോഴത്തെ നിലപാട്. ഇത് ശരിയല്ല, വാഹനം വിട്ടുനല്‍കാന്‍ കഴിയില്ലെന്ന് ദേവസ്വത്തിന് പറയാനാകില്ല. ലേലം റദ്ദാക്കിയാല്‍ നിയമ നടപടി സ്വീകരിക്കുമെന്ന് അമല്‍ മുഹമ്മദലി  പറഞ്ഞു. അടിസ്ഥാന വിലയായി 15 ലക്ഷം രൂപയാണ് ദേവസ്വം വിളിച്ചത്.  അമൽ മുഹമ്മദ് അലി പതിനായിരം രൂപ കൂട്ടി വിളിച്ചാണ് 'ഥാർ' സ്വന്തമാക്കിയത്. 15 ലക്ഷത്തി പതിനായിരം രൂപയ്ക്കാണ് ലേലം ഉറപ്പിച്ചത്. തരാൻ ഉദ്ദേശിക്കുന്നില്ലെങ്കിൽ ലേലം വച്ചത് എന്തിനാണെന്ന് അമല്‍ മുഹമ്മദലി ചോദ്യം

2020ലെ ജെ.സി.ഡാനിയേല്‍ പുരസ്കാരത്തിന് പ്രശസ്ത പിന്നണി ഗായകന്‍ പി.ജയചന്ദ്രനെ തിരഞ്ഞെടുത്തതായി സാംസ്കാരിക മന്ത്രി സജി ചെറിയാന്‍ അറിയിച്ചു. ഈ മാസം 23ന് മുഖ്യമന്ത്രി പുരസ്കാരം സമ്മാനിക്കും. സംവിധായകൻ അടൂര്‍ ഗോപാലകൃഷ്ണന്‍ ചെയര്‍മാനും, നടനും തിരക്കഥാകൃത്തും സംവിധായകനുമായ രഞ്ജി പണിക്കര്‍, നടി സീമ, ചലച്ചിത്ര അക്കാദമി ചെയര്‍മാന്‍ കമല്‍, സാംസ്കാരിക വകുപ്പ് പ്രിന്‍സിപ്പല്‍ സെക്രട്ടറി റാണി ജോര്‍ജ് എന്നിവര്‍ അംഗങ്ങളുമായ സമിതിയാണ് പുരസ്കാര ജേതാവിനെ തിരഞ്ഞെടുത്തത്. അരനൂറ്റാണ്ടിലേറെയായി ചലച്ചിത്ര പിന്നണി ഗാനരംഗത്ത് നിറഞ്ഞുനില്‍ക്കുന്ന പി.ജയചന്ദ്രന്‍ മലയാള ചലച്ചിത്ര സംഗീതത്തിന്റെ ചരിത്രവഴികളില്‍ സ്വന്തമായ വ്യക്തിമുദ്ര പതിപ്പിച്ച ഗായകനാണെന്ന് ജൂറി അഭിപ്രായപ്പെട്ടു. മലയാളചലച്ചിത്ര മേഖലക്ക് സമഗ്ര സംഭാവനകൾ നൽകിയ വ്യക്തികൾക്കായി കേരള സർക്കാരിനു കീഴിലുള്ള കേരള സംസ്ഥാന ചലച്ചിത്ര അക്കാദമി നൽകുന്ന പുരസ്കാരമാണ് ജെ.സി. ഡാനിയേൽ അവാർഡ്. മലയാള സിനിമയുടെ പിതാവ് എന്ന് അറിയപ്പെടുന്ന ജെ.സി ദാനിയേലിന്റെ പേരിലാണ് ഈ പുരസ്കാരം ഏർപ്പെടുത്തിയിരിക്കുന്നത്.5 ലക്ഷം രൂപയും പ്രശസ്തിപത്രവും ശില്‍പ്പവും അടങ്ങുന്നതാണ് ജ...

ടൊവിനോ തോമസ് നായകനാകുന്ന  'മിന്നല്‍ മുരളി' നെറ്റ്ഫ്ളിക്സിൽ റിലീസ് ചെയ്യുന്നതിന് മുമ്പ് ജിയോ മാമി ഫിംലിം ഫെസ്റ്റിവലിൽ പ്രദർശിപ്പിക്കുമെന്ന് ബോളിവുഡ് താരവും ജിയോ മാമി മുംബൈ ഫിലിം ഫെസ്റ്റിവല്‍ ചെയര്‍പേഴ്‌സണുമായ പ്രിയങ്ക ചോപ്ര. മലയാളത്തിലെ ആദ്യ സൂപ്പര്‍ ഹീറോ ചിത്രമായ മിന്നല്‍ മുരളി നെറ്റ്ഫ്ലിക്സിലൂടെ റിലീസ് ചെയ്യാനാണ് ആദ്യം തീരുമാനിച്ചിരുന്നത്.  അജു വര്‍ഗീസ്, ഹരിശ്രീ അശോകന്‍, ബൈജു, ഫെമിന എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങള്‍. ജിഗര്‍തണ്ട, ജോക്കര്‍ തുടങ്ങിയ ചിത്രങ്ങളിലൂടെ പ്രശസ്തനായ ഗുരു സോമസുന്ദരവും മിന്നല്‍ മുരളിയില്‍ ശ്രദ്ധേയമായ കഥാപാത്രത്തെ അവതരിപ്പിക്കുന്നുണ്ട്.

നിലവിലെ ഒഴിവുകൾ അസിസ്റ്റന്റ് സെക്രട്ടറി / ചീഫ് അക്കൗണ്ടന്റ് - 10/2021 ജൂനിയർ ക്ലാർക്ക് / കാഷ്യർ - 11/2021 സിസ്റ്റം അഡ്മിനിസ്ട്രേറ്റർ - 12/ 2021 സിസ്റ്റം സൂപ്പർവൈസർ - 13 / 2021 ഡാറ്റാ എൻട്രി ഓപ്പറേറ്റർ - 14/2021 ടൈപ്പിസ്റ്റ് - 15/2021 വിവിധ സഹകരണ സംഘം / ബാങ്കുകളുടെ വിവിധ തസ്തികകളിലെ നിലവിലെ ഒഴിവിലേക്കാണ് നിയമനം നടത്തുന്നത്. നേരിട്ടുള്ള നിയമനമായിരിക്കും . പരീക്ഷാ ബോർഡ് നടത്തുന്ന OMR പരീക്ഷയുടെയും ബദ്ധപ്പെട്ട സഹകരണ സ്ഥാപനങ്ങൾ നടത്തുന്ന അഭിമുഖത്തിന്റെയും അടിസ്ഥാനത്തിൽ പരീക്ഷാ ബോർഡ് തയ്യാറാക്കുന റാങ്ക് ലിസ്റ്റ് പ്രകാരമായിരിക്കും നിയമനം. നിയമനാധികാരി ബദ്ധപ്പെട്ട സഹകരണ സംഘം / ബാങ്കുകൾ ആയിരിക്കും. ഫെഡറൽ ബാങ്കുവഴിയും കേരള സംസ്ഥാന സഹകരണ ബാങ്ക് വഴിയും ചലാൻ എടുക്കാം. കൂടുതൽ വിവരങ്ങൾക്ക് ഔദ്യോഗിക വെബ്സൈറ്റ് സന്ദർശിക്കുക. https://www.csebkerala.org/